საქართველოში ტურიზმის სტატისტიკა უმჯობესდება. კერძოდ, 2021 წლის ივნისში საქართველომ სულ 146.6 ათასი უცხოელი ვიზიტორი მიიღო, რაც პანდემიის დაწყების შემდეგ, ტურისტების რეკორდული რაოდენობაა. აღნიშნული მაჩვენებელი 286,8%-ით აღემატება 2020 წლის ივნისის მაჩვენებელს.
აღსანიშნავია, რომ ივნისში ყველაზე მეტი ვიზიტორი თურქეთიდან შემოვიდა: 29,606 ვიზიტორი, ზრდა წინა წელთან 87,0%. ვიზიტორების რაოდენობით ტოპ-5 ქვეყანაში, შემდეგი სახელმწიფოები არიან:
ისრაელი – 15,837 ვიზიტორი, ზრდა წინა წელთან 3432%
უკრაინა – 15,493 ვიზიტორი, ზრდა წინა წელთან 1324%
რუსეთი – 14,967 ვიზიტორი, ზრდა წინა წელთან 332%
სომხეთი – 13,342 ვიზიტორი, ზრდა წინა წელთან 68,7%
ტურიზმის ეროვნული ადმინისტრაციის სტატისტიკიდან ირკვევა, რომ ივნისის განმავლობაში, საქართველოში ვიზიტორთა ნახევარზე მეტი საჰაერო გზით შემოვიდა.