რეჟისორი დეა კულუმბეგაშვილი სან სებასტიანის კინოფესტივალის ჟიურის თავმჯდომარე იქნება.
ინფორმაციას ეროვნული კინოცენტრი ავრცელებს.
შეგახსენებთ, რომ შარშან, სან სებასტიანში, მისი სრულმეტრაჟიანი მხატვრული ფილმის, „დასაწყისი“ ტრიუმფი იყო. ნამუშევარმა 4 ჯილდო აიღო:
კინოფესტივალის მთავარი პრიზი – „ოქროს ნიჟარა”;
დეა კულუმბეგაშვილი – საუკეთესო რეჟისორი (ვერცხლის ნიჟარა);
ია სუხიტაშვილი – საუკეთესო მსახიობი ქალი (ვერცხლის ნიჟარა);
დეა კულუმბეგაშვილი და რატი ონელი – საუკეთესო სცენარი (ჟიურის სპეციალური პრიზი);
სან სებასტიანის კინოფესტივალი ერთ-ერთი ყველაზე გამორჩეული, ა-კლასის საერთაშორისო კინოფესტივალია. წელს ის 17-25 სექტემბერს გაიმართება.