გამოცემა “The Jerusalem Post” წერს, რომ ისრაელი მეცნიერების ჯგუფი განცხადებით, მათი წარმოების პრეპარატი შესაძლოა კორონავირუსის წინააღმდეგ ეფექტური აღმოჩნდეს.
მეცნიერები აქტიურად მუშაობენ ანტივირუსული მედიკამენტის შექმნაზე. ფარმაცევტული კომპანია Сode Pharma-ს განცხადებით, მედიკამენტმა კლინიკური კვლევების პირველი ეტაპი დაასრულა წარმატებით, და 13 სექტემბერს მეორე ეტაპის დაწყებასთან დაკავშირებით ჰელსინკის კომიტეტს მიმართა.
გამოცემა “The Jerusalem Post”-ის ცნობით, კვლევების მეორე ეტაპი სავარაუდოდ მომდევნო თვიდან დაიწყება და მასში , 150-მდე პაციენტი იქნება ჩართული. წინასწარი მონაცემებით, მეორე ფაზის კლინიკური კვლევები იგეგმება ესპანეთში, ბრაზილიასა და სამხრეთ აფრიკაში.
იმის გათვალისწინებით, რომ კორონავირუსის დელტა შტამი ისევ სწრაფად ვრცელდება მსოფლიოს მასშტაბით, Code Pharma-მ შესაძლოა ანტივირუსული პრეპარატის ავტორიზაციისთვის კლინიკური კვლევების მეორე ეტაპის დასრულებისთანავე მიმართოს შესაბამის ორგანოებს.
ამასთან, ფარმაცევტული კომპანია აცხადებს, რომ მზად არის მსოფლიოს სხვადასხვა ქვეყანაში პრეპარატის მასობრივი წარმოება დაიწყოს.