ჯანდაცვის მინისტრის მოადგილე აცხადებს, რომ “ომიკრონით” ინფიცირებულ ბავშვებში ვირუსი უმეტესად მსუბუქი და საშუალო სიმძიმით მიმდინარეობს.
თამარ გაბუნიამ ამის შესახებ საკოორდინაციო საბჭოს ბრიფინგზე, ეპიდვითარებაზე საუბრის დროს განაცხადა:
“ცალკე ბავშვებისთვის მობილიზებულია ასევე საწოლფონდი და ბავშვების შემთხვევების უმრავლესობა არის მსუბუქი და საშუალო სიმძიმის. დაყოვნების საშუალო ხანგრძლივობა არის 1-დან 3 დღემდე”, – განაცხადა გაბუნიამ.
მისივე თქმით, ამ დროისთვის ჰოსპიტალურ სექტორში საწოლების თითქმის 35% თავისუფალია:
“ჰოსპიტალურ სექტორში 8200-მდე საწოლი გვაქვს მობილიზებული. მიუხედავად იმისა, რომ შემთხვევების სწრაფი მატება გვაქვს, ჰოსპიტალურ სექტორში თავისუფალი საწოლები არის 35%-მდე. კარგია ის, რომ რეანიმაციაში პაციენტების რაოდენობა მცირდება. 263 პაციენტი იტარებს მკურნალობას რეანიმაციაში, ინტენსიური თერაპიის განყოფილებაში არის 1048 პაციენტი” – აღნიშნა მან.