კახა კალაძის განცხადებით, მას შემდეგ რაც ის დედაქალაქის მუნიციპალიტეტის ხელმძღვანელი გახდა, ქალაქში უკანონო მშენებლობებზე 82 მლნ ლარის ჯარიმა გამოიწერა.
„4 წლის განმავლობაში, 2017 წლიდან, რაც ჩვენ მოვედით დედაქალაქის მთავრობაში 4 200 სამართალდარღვევა დაფიქსირდა და გამოწერილია 82 მლნ ლარის ჯარიმა. წინა ხელისუფლების პირობებში 3 500 დარღვევა იყო გამოვლენილი და მხოლოდ 11 მლნ ლარის ოდენობის ჯარიმა დაიწერა. ეს არის იმის გამოვლენა, როგორ ვებრძვით უკანონო მშენებლობებს და არასდროს ამაზე თვალს არ დავხუჭავთ“, – განაცხადა თბილისის მერმა.
როგორც კალაძე ამბობს, ის საზოგადოების მხრიდან უკანონო მშენებლობებთან დაკავშირებით არსებულ კრიტიკას ის არ მიიღებს.