კიევის მერი აცხადებს, რომ უკრაინის დედაქალაქთან მტერი სულ უფრო აახლოებს საკუთარ ძალებს.
უკრაინული მედიის ინფორმაციით, ვიტალი კლიჩკომ მოქალაქეებს მოუწოდა, სიმშვიდე შეინარჩუნონ და მოთმინება არ დაკარგონ:
“მეგობრებო! ძვირფასო კიეველებო, მტერი სულ უფრო აახლოებს ძალებს ჩვენს დედაქალაქთან. ღამით მათ დაბომბეს ეკლესია, ბრძოლა გაგრძელდა ბუჩასა და გოსტომელში. ჩვენ ვემზადებით და კიევს დავიცავთ”, – განაცხადა კლიჩკომ.
დედაქალაქის მერმა ასევე მოუწოდა მოსახლეობას, შეინარჩუნონ სიმშვიდე და არ დაუჯერონ დეზინფორმაციას:
“მტერი უამრავ ტყუილს ავრცელებს, იმისთვის, რომ უკრაინელები გატეხოს. ენდეთ მხოლოდ ოფიციალურ ინფორმაციას. ჩვენ ვიბრძოლებთ”, – აღნიშნა კლიჩკომ.
პუტინი ბავშვებთან ომშია, საბავშვო ბაღებსა და ბავშვთა თავშესაფრებს ბომბავს – დმიტრო კულება
კიევის დაბომბვისას ჰოლოკოსტის მემორიალი დაზიანდა
რა ვითარებაა უკრაინაში – მუდმივად განახლებად ინფორმაციას გაეცნობით აქ: