მსახიობი და ტელეწამყვანი ია ფარულავა სოციალურ ქსელში პოსტს აქვეყნებს და იმ დღეს იხსენებს, როდესაც 9 აპრილის ტრაგედიიდან ერთი წლისთავზე ლია ელიავას ფილმის – “უფლის ანგელოზები” გადაღებები უნდა დაწყებულიყო.
როგორც ფარულავა აღნიშნავს, ფილმი დაიხურა და გადაღებებიც შეწყდა.
“1990 წელს რეჟისორმა ლიანა ელიავამ გადაწყვიტა 9 აპრილის მოვლენებისთვის მიეძღვნა ფილმი რომელსაც უფლის ანგელოზები ერქვა, დაიწერა სცენარი (თუ სწორედ მახსოვს გურამ პეტრიაშვილთან ერთად) ჯგუფი ნელ-ნელა გადაღებებისკენ მიდიოდა. შერჩეული ვიყავით ჩვენც მსახიობები. და აი ახლოვდებოდა 9 აპრილის წლისთავი. იმ დღეს მთელი გადამღები ჯგუფი იქ ვიყავით და ორი ოპერატორი სხვადასხვა წერტილიდან იღებდა მიტინგს, სადაც ჩვენ მსახიობები ვიდექით და წინასწარ შეთანხმებულ როლს ვანსახიერებდით. სამწუხაროდ, ცოტა ხანში ეს ფილმი დაიხურა და გადაღებები შეწყდა,” – წერს ია ფარულავა.
