უკრაინის პრეზიდენტი ვოლოდიმირ ზელენსკი აცხადებს, რომ ქალაქ მარიუპოლში, რუსული არმიის დასამარცხებლად, უკრაინას საკმარისი იარაღი არ აქვს. ამის შესახებ ზელენსკიმ შარლ მიშელთან ერთად გამართულ ბრიფინგზე ისაუბრა.
როგორც მან აღნიშნა, მიუხედავად ამისა, მარიუპოლში არცერთი ჯარისკაცი დანებებას არ აპირებს.
"დარწმუნებული ვარ, ერთობლივი ძალისხმევით ჩვენ შეგვიძლია ყველა პასუხისმგებელი პირი პასუხისგებაში მივცეთ"
ვოლოდიმირ ზელენსკი: "ალყაში მოქცეულ მარიუპოლში 120 000 ადამიანი რჩება, დანაშაულები, რომელიც იქ ხდება, ბევრად უფრო საშინელი და მასშტაბურია, გპირდებით, ყველა პასუხისმგებელ პირს ვიპოვით"
“პირველი, ეს სერიოზულ და მძიმე იარაღს მოიცავს… ამ მომენტში, მარიუპოლის გასათავისუფლებლად ჩვენ არ გვაქვს საკმარისი იარაღი. მეორე გზა დიპლომატიურია. ჯერჯერობით, რუსეთი ამაზე არ დათანხმდა. ჩვენ არ ვიცით, როდის შევძლებთ მარიუპოლის განბლოკვას. მე კი ამას ღიად ვამბობ, რომ მარიუპოლში ყველა ბიჭს, ჩვენი გამარჯვება უნდა, მათ თავისუფალი ქალაქი უნდათ, არცერთი მათგანი არ აპირებს, მტერთან დანებებას, ეს არის მათი შინაგანი განცდა, ეს არის ის, თუ როგორები არიან ისინი”, – განაცხადა ზელენსკიმ.
რუსეთ–უკრაინის ომის ქრონოლოგიასა და მუდმივად განახლებად ინფორმაციას გაეცნობით → ამ ბმულზე.