30 წლიანი პაუზის შემდეგ, ერეკლე მეორის სახელობის აეროპორტი ფუნქციონირებას იწყებს. „მიმინოში“ ზაფხულის ბოლოს შიდა ფრენები ბათუმის და მესტიის აეროპორტებიდან 16-ადგილიანი თვითმფრინავით განხორციელდება. ინფორმაციას BMG ავრცელებს, რომელიც აეროპორტის მფლობელ – “საქართველოს საავიაციო უნივერსიტეტის” ხარისხის უზრუნველყოფის სამსახურის უფროსს ესაუბრა.
დავით ტეფნაძეს თქმით, აეროპორტი, სადაც საავიაციო უნივერსიტეტის სტუდენტები საფრენოსნო – საინჟინრო მომზადებას გადიან, მალე სრულად დაიტვირთება. „ფრენების ზუსტი ფასების თქმა ამჯერად არ შემიძლია, თუმცა ის იმ ფასების დიაპაზონში მერყეობს, რაც ქვეყანაში შიდა ფრენებზეა“, – აღნიშნა ტეფნაძემ BMG-ისთან.
მისივე ინფორმაციით, საწყის ეტაპზე, აეროპორტში კვირაში 4 რეისი განხორციელდება. „აეროპორტს ასევე შესაძლებლობა აქვს, მიიღოს საჰაერო ხომალდები საქართველოს ნებისმიერი აეროპორტიდან და შეასრულოს როგორც ჩარტერული, ასევე რეგულარული ფრენები,” – დასძინა “საქართველოს საავიაციო უნივერსიტეტის” ხარისხის უზრუნველყოფის სამსახურის უფროსმა.