თბილისში, ევროკავშირის წარმომადგენლობის ოფისთან გამართულ დღევანდელ აქციას ლიეტუვის ელჩი ანდრიუს კალინდა ეხმიანება.
როგორც ელჩი აცხადებს, ის იმედგაცრუებულია და გმობს აშკარა შეურაცხყოფას საქართველოში დიპლომატიური კორპუსის წარმომადგენლების მიმართ:
“მინდა გამოვხატო ჩემი იმედგაცრუება და დავგმო აშკარა შეურაცხყოფა საქართველოში დიპლომატიური კორპუსის ჩემი კოლეგა წარმომადგენლების მიმართ, რომლებიც ღირსეულად წარმოადგენენ საკუთარ ქვეყნებს საქართველოში და ძალ-ღონეს არ იშურებენ საქართველოს დასახმარებლად ევროკავშირისკენ მიმავალ გზაზე”, – განაცხადა ანდრიუს კალინდრამ.
შეგახსენებთ, ევროკავშირის ოფისთან დღეს აქცია გაიმართა. აქციის მონაწილეებს თან ჰქონდათ ჰომოფობიური და ანტიდასავლური შინაარსის პლაკატები.
აქციაზე რამდენიმე პირი დააკავეს.
დაპირისპირება ევროკავშირის ოფისთან – აქციაზე გურამ ფალავანდიშვილი და მისი შვილი დააკავეს
შსს-ს ინფორმაციით, ისინი ადმინისტრაციული სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და სამართალდამცავი ორგანოს თანამშრომლის კანონიერი მოთხოვნის დაუმორჩილებლობას ან ამ პირის მიმართ სხვა კანონსაწინააღმდეგო ქმედებას გულისხმობს.