საქართველოს საპატრიარქოს ინფორმაციით, საპატრიარქოს სახელის უნებართვოდ გამოყენების ფაქტები გრძელდება.
საპატრიარქოს გვერდზე გამოქვეყნებული განცხადების თანახმად, სატელეფონო ზარის მეშვეობით, მოქალაქეებს კვლავ სთავაზობენ სხვადასხვა საეკლესიო ნივთებს გასაყიდად, თითქოს კათოლიკოს-პატრიარქის ლოცვა-კურთხევით.
“კიდევ ერთხელ შეგახსენებთ, რომ საპატრიარქოს არცერთი ოფიციალური სამსახური არ გასცემს ნებართვას ან კურთხევას მსგავსი მარკეტინგული საქმიანობისათვის და არც რაიმე კავშირი აქვს ასეთ პირებთან, რომლებიც პატრიარქის სახელით, სავარაუდოდ, მოსახლეობის ნდობის მოპოვებასა და ამ გზით ნივთების გაყიდვას ცდილობენ”, – ნათქვამია საპატრიარქოს განცხადებაში.