Wizz Air საქართველოდან რეისების რაოდენობის გაზრდას აპირებს. საქმე ისაა, რომ უნგრული ავიაკომპანია აგვისტოში ქუთაისის ავიაბაზას კიდევ ერთ თვითმფრინავს ამატებს. საკითხზე BMG-სთან WizzAir-ის კორპორაციული კომუნიკაციების ხელმძღვანელმა ისაუბრა.
„ჩვენ მუდმივად ვიკვლევთ ბაზრებს, ვაკვირდებით მგზავრების ნაკადს და მონაცემებზე დაყრდნობით განვიხილავთ ახალ მიმართულებებსაც, თუ სად არის შესაძლებელი WizzAir-ის შესვლა, გაფართოება, თუ რეისების დამატება. არის ვარიანტები, თუმცა დადასტურების გარეშე ვერ დავასახელებ მათ; რაც მთავარია, მუშაობა მიმდინარეობს, საუბრები არ წყდება და სიახლეებიც ეტაპობრივად იქნება. გარდა ამისა, კიდევ ერთ თვითმფრინავს დავამატებთ საქართველოში, რაც ცხადია, სიხშირეების გაზრდის შესაძლებლობას გააჩენს”, – აღნიშნავს WizzAir-ის კორპორაციული კომუნიკაციების ხელმძღვანელი ჟაჟა ტრუბეკი.
ცნობისთვის, ამ დროისთვის, ავიაკომპანიას საქართველოში ერთი ხომალდი ჰყავს ბაზირებული.