საქართველოს პრემიერ-მინისტრი ირაკლი ღარიბაშვილი ნატოს გენერალურ მდივან იენს სტოლტენბერგთან შეხვედრას Twitter-ზე ეხმიანება. ღარიბაშვილი წერს, რომ „საქართველო მზადაა მჭიდროდ იმუშაოს ტრანსატლანტიკურ თანამეგობრობასთან მშვიდობისა და სტაბილურობის დასაცავად“.
„ყოველთვის სასიამოვნოა ჩრდილოატლანტიკური ალიანსის გენერალურ მდივან იენს სტოლტენბერგთან შეხვედრა. ნატოს ყველაზე სანდო და შემძლე პარტნიორის რანგში, საქართველო მზადაა მჭიდროდ იმუშაოს ტრანსატლანტიკურ თანამეგობრობასთან მშვიდობისა და სტაბილურობის დასაცავად, რეგიონსა და მის ფარგლებს გარეთ საერთო ფასეულობების დასამკვიდრებლად“,- აღნიშნავს პრემიერ-მინისტრი.
Always a pleasure to meet w/ @NATO‘s @jensstoltenberg. As one of the most reliable & capable partners of the Alliance, ?? stands ready to work closely with the transatlantic community to safeguard peace, stability & promote shared values in the region & beyond. #MadridOTAN22 pic.twitter.com/Etv7It9vnc
— Irakli Garibashvili (@GharibashviliGe) June 29, 2022