იტალიური ქალაქის, სორენტოს მერმა მასიმო კოპოლამ განაცხადა, რომ ამიერიდან დააჯარიმებენ ყველა ტურისტს, ვინც კურორტის ქუჩებში ტანმოშიშვლებული ივლის. ამის შესახებ ინფორმაცია გამოცემა Ansa-მ გაავრცელა.
ახალი წესის მიხედვით, დამსვენებლები, რომლებიც პლაჟის ტერიტორიას საცურაო კოსტიუმით დატოვებენ ადგილობრივი პოლიციის ხელში მოხვდებიან და 25-დან 500 ევრომდე ოდენობის ჯარიმის გადახდა მოუწევთ.
პოპულარული ევროპული დანიშნულების მერის თქმით, დრეს-კოდის არ არსებობა ადგილობრივების დისკომფორტს და უკმაყოფილებას იწვევს, მათი ცხოვრების ხარისხზე ცუდად აისახება და კომუნის საერთაშორისო იმიჯსაც აფუჭებს.
ქალაქის მთავარი სამომავლო სტრატეგია საზოგადოების თავშეყრის ადგილებში მაქსიმალური წესრიგის დაცვაა.