თურქეთის კლინიკაში 21 წლის გიორგი დიდებაშვილი გარდაიცვალა.
გიორგი ლეიკემიას ებრძოდა. მას ძვლის ტვინის გადანერგვა ესაჭიროებოდა.
გიორგის 2021 წლის ზაფხულში მწვავე ლიმფობლასტური B ტიპის ლეიკემია დაუდგინდა.
ახალგაზრდა ბიჭი ივანე ჯავახიშვილის სახელობის უნივერსიტეტის ისტორიის მიმართულების მესამე კურსის წარმატებული სტუდენტი იყო.
„დავიღალე ძალა აღარ მაქვსო მწერდა, მაგრამ შევთანხმდით რომ ჩავიდოდი, ის უკვე გამოჯანმრთელებული უნდა ყოფილიყო!
რამდენი ვიბრძოლეთ, რამდენჯერ ვუთხარი ერთად აღვნიშნოთ ორივეს კარგად ყოფნა – მეთქი. ეცინებოდა და არც მპირდებოდა. რომ გვეგონა ბოლოში გავდივართ და სადაც არის #დიდება ფეხზე დადგებაო, მაშინ დაგვტოვე, ბოლოს მომიკითხა რამდენიმე დღის წინ, როგორ ხარო და დღეს წავიდა, ალბათ დაისვენა, მაგრამ სიცოცხლე როგორ უნდოდა ნეტა იცოდეთ, პირველი რას გააკეთებ რომ ადგები-თქო და თსუ ბიბლიოთეკაში დავჯდები და ჩემს ნაშრომს დავამთავრებო სიცილით მითხრა.
ყველას გისამძიმრებთ ვინც გიორგისთვის იბრძოდით!! ყველა მის მეგობარს.
მაგრამ მის ოჯახს, როგორ მივუსამძიმრო, რა უნდა ვთქვა, არ ვიცი, ყოველ დღე ველოდებოდი რამე საზეიმო სიახლეს და დღეს დილით ამხელა ტკივილი და იმედგაცრუება დამახვედრე.
დროებით
სხვა დროს და სხვა განზომილებაში აღვნიშნოთ.. შენი გაცილების საშუალებაც არ მაქვს ამ წყეული მანძილის გამო“, – წერს გარდაცვლილი ახალგაზრდას მეგობარი სოციალურ ქსელში.
სოციალურ ქსელში ასევე ვრცელდება გიორგი დიდებაშვილის გადაცემაში „წიგნების თარო“ მონაწილეობა, სადაც მან სუპერ-ბლიცი ბრწყინვალედ ითამაშა.
„რა დასანანია, უფალო, ასეთი ახალგაზრდა“.
„რატო? საუკუნოდ იყოს ხსენება მისი“.
„უფალმა გაანათლოს“.
„ვაიმე ღმერთო, გვაკმარე ასეთი ახალგაზრდების ასე უდროოდ გარდაცვალება“.
„დასანანია ასეთი ახალგაზრდა, ნათელში იყოს“. – წერენ სოციალურ ქსელში.