უკრაინის პრეზიდენტი ვოლოდიმირ ზელენსკი ევროკავშირს მოუწოდებს, აკრძალოს როგორც რუსული სახელმწიფო ტელეარხები, ასევე აღნიშნულ მედიებში მომუშავე პროპაგანდისტები.
„არც ერთი რუსული პროპაგანდისტი არ უნდა დარჩეს ევროკავშირის ტერიტორიაზე. არც ერთ რუსულ სახელმწიფო ტელეარხს არ უნდა მიეცეს უფლება გააგრძელოს მუშაობა ევროკავშირის ტერიტორიაზე“, – თქვა უკრაინის პრეზიდენტმა, ვოლოდიმირ ზელენსკიმ პრაღაში გამართული ფორუმის მონაწილეებისადმი სიტყვით მიმართვისას.