„ნიშანწყალი იმისა, რომ რაიმე განსაკუთრებული ჩარევაა საჭირო, არ არსებობს და სწორედ ამიტომ ვერ დადეს დიაგნოზი ვერც ომბუდსმენის ჯგუფის წარმომადგენლებმა“, – ამის შესახებ განცხადებას პარტია „ქართული ოცნების“ თავმჯდომარე საქართველოს მესამე პრეზიდენტთან დაკავშირებით აკეთებს.
კობახიძის განმარტებით, „მიხეილ სააკაშვილისთვის სათანადო მომსახურებაა უზრუნველყოფილი როგორც სასჯელაღსრულების, ისე სამედიცინო დაწესებულებაში“.
„სამედიცინო მომსახურების მიწოდება გაგრძელდება და ამასთან ერთად ჩატარდება ნებისმიერი ექსპერტიზა. დასამალი არაფერია – ჯანმრთელობის მდგომარეობა ნორმალურია. გახსოვთ, ომბუდსმენის მონაწილეობით შეიქმნა ჯგუფი, დიაგნოზიც კი ვერ გამოიტანეს მათ. რატომ? – იმიტომ რომ სინამდვილეში არავითარი დიაგნოზი არ არსებობს. არავითარი ნიშანწყალი იმისა, რომ რაიმე განსაკუთრებული ჩარევაა საჭირო არ არსებობს და სწორედ ამიტომ ვერ დადეს დიაგნოზი ვერც ომბუდსმენის ჯგუფის წარმომადგენლებმა.
ჩატარდება ექსპერტიზა, ალბათ საჭირო გახდა ის, რომ ყველა სპეკულაციას პასუხი გაეცეს. მიხეილ სააკაშვილი არ უნდა იყოს პრივილეგირებული სხვა პატიმრებთან მიმართებით – დისკრიმინაცია დაუშვებელია“, – განაცხადა ირაკლი კობახიძემ.
ადვოკატები მიხეილ სააკაშვილისთვის სასჯელის გადავადებას 1 წლით ითხოვენ