უკრაინის ქალაქ ბერდიანსკში, რომელიც რუსეთის მიერაა ოკუპირებული, რუსეთის მიერ დანიშნული ოფიციალური პირის ავტომობილი ააფეთქეს. ინფორმაციას CNN ავრცელებს.
„6 სექტემბერს, ბერდიანსკის ცენტრში, სამხედრო-სამოქალაქო ადმინისტრაციის შენობასთან, ქალაქის კომენდანტის არტემ ბარდინის მანქანა ააფეთქეს. აფეთქების შედეგად ქალაქის კომენდანტი საავადმყოფოში მძიმე მდგომარეობაში გადაიყვანეს. ექიმები მას აუცილებელ სამედიცინო დახმარებას უწევენ“, – აცხადებენ მერიაში.
ჯერჯერობით უცნობია, რამ გამოიწვია აფეთქება. რუსმა ოკუპანტებმა მომხდარში უკრაინა დაადანაშაულეს.