გუანტანამოს უხუცესი პატიმარი, საიფულა პარაჩა თითქმის 20-წლიანი პატიმრობის შემდეგ ბრალის წარდგენისა და სასამართლო პროცესის გარეშე გაათავისუფლეს ,- აღნიშნულის შესახებ ინფორმაციას Reprieve “ტვიტერზე” ავრცელებს.
მისივე ცნობით, პარაჩა 2003 წლიდან ალ-ქაიდასთან კავშირში იყო ეჭვმიტანილი, მაგრამ მისთვის დანაშაულში ბრალი არასდროს წარუდგენიათ.
„ეს დიდი გამარჯვებაა, თუმცა 75 წლის საიფულა პარაჩა თავის ოჯახს სუსტ მოხუც კაცად უბრუნდება. ეს უსამართლობა ვერასდროს გამოსწორდება“, – წერს ორგანიზაცია.
🚨BREAKING: Oldest Guantánamo detainee released after almost 20 years detained without charge or trial.
This is a huge win but Saifullah Paracha, 75, returns to his family a frail old man, after being taken in the prime of his life. That injustice can never be rectified. 🧵 pic.twitter.com/L4mErhHL7A
— Reprieve (@Reprieve) October 29, 2022
როგორც ცნობილია, პაკისტანის ხელისუფლება ამტკიცებდა, რომ ის ალ-ქაიდას ფასილიტატორი იყო, რომელიც ფინანსურ ტრანზაქციაში დაეხმარა ორ შეთქმულს, რომელიც მონაწილეობდა 2001 წლის 11 სექტემბრის ტერორისტულ თავდასხმაში.