“საშობაო ზავის” მიუხედავად, ოკუპანტებმა შობის ღამეს უკრაინის ქალაქები რამდენჯერმე დაბომბეს, მათ შორის, ბახმუტი.
დაბომბვის შედეგად ორი ადამიანი დაიღუპა და 13 მშვიდობიანი მოქალაქე დაშავდა, – ინფორმაციას უკრაინული მედია ავრცელებს.
უკრაინის გენერალური პროკურატურის ცნობით, დაწყებულია წინასწარი გამოძიება ომის კანონების დარღვევის გამო.
გამოძიების ინფორმაციით, 6 იანვარს რუსეთის ფედერაციის საოკუპაციო ჯარებმა ბახმუტის საარტილერიო დაბომბვა განახორციელეს.