სამეგრელო-ზემო სვანეთის სახელმწიფო რწმუნებულის, გიორგი გუგუჩიას ინფორმაციით, ძლიერმა ქარმა 1 100-მდე სახლის და 38 კორპუსის სახურავი დააზიანა. მისივე თქმით, ქარის გამო 37 სკოლას სხვადასხვა პრობლემა შეექმნა, ასევე, დაზიანდა 6 საბავშვო ბაღი.
სტიქიის შედეგად დაზიანებულია წყლისა და გაზის მილები, ელექტროგადამცემი ხაზები, რის გამოც 50 ადმინისტრაციულ ერთეულს ამ დრომდე არ მიეწოდება ელექტროენერგია.
სახელმწიფო რწმუნებული ამბობს, რომ 60-ზე მეტ სოფელს ელექტრომომარაგება 13 იანვარს აღუდგა, დარჩენილ სოფლებში კი დღეს, 14 იანვარს ეტაპობრივად აღდგება.
სინოპტიკოსების პროგნოზით, 14 იანვარს დასავლეთ საქართველოში ქარის სიჩქარე ნელ-ნელა დაიკლებს და მას აღარ იქნება გრიგალის კატეგორია. ბოლო სამი დღის განმავლობაში ძლიერმა ქარმა მნიშვნელოვნად დააზარალა იმერეთის მუნიციპალიტეტებიც. დაზიანებულია როგორც კერძო ინფრასტრუქტურა, ასევე სახელმწიფო შენობები.
ამავე თემაზე: