ნანუკა ჟორჟოლიანმა მარათონით 70 000 ლარი შეაგროვა, რაც იმას ნიშნავს, რომ ტელეწამყვანის თაოსნობით კიდევ 3 ადამიანის სიცოცხლე გადარჩება.
როგორც ნანუკა აღნიშნავს, 11 წლის ნიკოლოზ ვარშანიძეს სასიცოცხლოდ ესაჭიროებოდა 18 095 ლარი.
4 წლის დემეტრე მახარაძეს 25 850 ლარი. 21 წლის მაკა ეზიაშვილს კი – 22 500 ლარი.
ნანუკამ მხოლოდ 1 გადაცემით 70 000 ლარი შეაგროვა, რაც ნიკოლოზს, დემეტრესა და მაკას მკურნალობას მოხმარდება.
„საჭირო 70 ათასი ლარი შეგროვდა.
სამი ადამიანის სიცოცხლე გადარჩება.
თქვენ ხართ საოცარი ხალხი.
მიყვარხართ,“ – წერს ნანუკა ჟორჟოლიანი.
„შვილმა სიცოცხლე მინდა, არ მინდა მოვკვდე მამაო“, – ამბობს 21 წლის მაკას მამა სიუჟეტში.
„ღმერთს ვეხვეწებოდი შვილიშვილი გადამირჩინე, ცოტა ხანი მაინც იცოცხლოს მეთქი“, – აღნიშნავს 4 წლის პატარა დემეტრეს ბებია.
„მეუღლემ რომ მითხრა ნიკოლოზს სიმსივნე აქვსო, ეს იყო ჩემი სიკვდილი“ , – ამბობს 11 წლის ნიკოლოზის ბაბუა.