„ნაციონალური მოძრაობა” დღეს, 4 ივლისს, 19:00 საათზე კლინიკა „ვივა მედთან” მიხეილ სააკაშვილის მხარდამჭერ აქციას გეგმავს. ამის შესახებ პარტიის თავმჯდომარემ ისაუბრა დღეს გამართულ ბრიფინგზე და აღნიშნა, რომ მხარდამჭერები და პარტიის წევრები კლინიკასთან 6 საათიდან დაიწყებენ შეკრებას.
ამასთან, ლევან ხაბეიშვილმა მოუწოდა ხელისუფლებას, გაათავისუფლოს მიხეილ სააკაშვილი და გადასცეს ის უკრაინას, ისე როგორც ეს უკრაინის პრეზიდენტმა, ვოლოდიმირ ზელენსკიმ გუშინ მოითხოვა.
„ჩვენ გუშინ ვიხილეთ პუტინთან მებრძოლი მთავარსარდლის, ზელენსკის განცხადება, რომელიც ითხოვს უკრაინის მოქალაქის, სააკაშვილის გათავისუფლებას და გადაცემას როგორც უკრაინის მოქალაქის.
საქართველოს ხელისუფლებას აქვს ისტორიული შანსი ამ უთანასწორო ბრძოლაში, როცა პუტინთან მებრძოლ მთავარსარდალს ერთადერთი თხოვნა აქვს საქართველოსთან, გადასცეს მისი მოქალაქე, თანამდებობის პირი, პრეზიდენტი სააკაშვილი, რომელიც ასევე პუტინთან მებრძოლი უმაღლესი მთავარსარდალია.
„პაპუაშვილო, შემომხედე კარგად.. ქართული სახელმწიფოს დამფუძნებელი ამ მდგომარეობაშია ჩაყენებული“ – მიხეილ სააკაშვილი
„მინდა ვუთხრა პარლამენტის თავმჯდომარეს, თქვენ უნდა მოიხადოთ ბოდიში“
ცივილიზებული სამყარო შეთანხმებულია, რომ პუტინთან მებრძოლი მთავრსარდალი, პროდასავლელი რეფორმატორი, ლიდერი ციხეში წამებით არ უნდა მოკვდეს.
შესაბამისად, ხელისუფლებამ უნდა მიიღოს ერთადერთი სწორი გადაწყვეტილება – პრეზიდენტი სააკაშვილი გაათავისუფლოს და ეს ერთი მოთხოვნა მაინც შეუსრულოს უკრაინის პრეზიდენტს, ზელენსკის”, – თქვა ხაბეიშვილმა.