ტაილანდში, მალაიზიის საზღვართან ქალაქ სუნგაი კოლოკში ფეიერვერკების საწყობი აფეთქდა, – აღნიშნულის შესახებ ინფორმაციას BBC-ი ავრცელებს.
მედიის ცნობით, აფეთქების შედეგად სულ მცირე 9 ადამიანი დაიღუპა, მათგან სამი ბავშვია.
ცნობილია, რომ მომხდარის შედეგად 115 ადამიანი დაშავდა.
აფეთქებამ გამოიწვია ხანძარი და დააზიანა მიმდებარე შენობები. ადგილზე სამაშველო ჯგუფები მუშაობენ.