შატილის ტრაგედიის დროს დაღუპული მედეა დევსურაშვილის დედა, ლიკა სიმონიშვილი სოციალურ ქსელში სამი წლისთავზე ემოციურ პოსტს აქვეყნებს.
„23 აგვისტო…. „ამ დღეს ჩაქრა შენს თვალებში მოციმციმე სხივი, სიტყვებს არ ძალუძთ აღარაფერი”. 3 წელია უკვე გასული? 3 ჯერ მძიმეა ყოველი წუთი…ჩემო მშვენიერო, დედას ძალიან უყვარხარ”, – ვკითხულობთ ტექსტში.
შეგახსენებთ, რომ დღეს შატილის ტრაგედიიდან 3 წელი გავიდა.
სამი წლის წინ შატილში მიკროავტობუსი გზის სავალი ნაწილიდან ხევში გადავარდა.
მიკროავტობუსში მჯდარი 22 მგზავრიდან მხოლოდ სამი გადარჩა. მგზავრებს შორის იყვნენ ლიკა სიმონიშვილის შვილები: დები, ხატია და მედეა დევსურაშვილები. სამწუხაროდ მედეა გარდაიცვალა, ხოლო ხატია კი გადარჩა.