საქართველოს ბანკისა და ბიზნეს საკონსულტაციო კომპანიის TBSC Consulting თანამშრომლობით, მეხუთედ, სტუდენტური ღონისძიება – ჰარვარდის ბიზნეს ქეისების კონკურსი დაიწყო.
კონკურსი განკუთვნილია ყველა იმ სტუდენტისთვის, ვისაც ცოდნის გაღრმავება სურს რეალურ ქეისებზე მუშაობით და გამოცდილების დაგროვება ბიზნეს სფეროში. მისი მიზანია აღმოაჩინოს სხარტი, სიახლეებზე ორიენტირებული ახალგაზრდები, რომლებიც ერთმანეთს გუნდებად, სამეტაპიან კონკურსში შეეჯიბრებიან.
კონკურსზე განაცხადების მიღება დასრულდა. ის 15 ივნისს დაიწყება, ფინალი კი 20 ივლისს გაიმართება. სამივე გამარჯვებული გუნდისთვის საპრიზო ფონდი 20 000 ლარს მოიცავს:
- I ადგილზე გასული გუნდი 11 000 ლარს მიიღებს;
- II ადგილის მფლობელ გუნდს 6000 ლარი გადაეცემა;
- III ადგილოსანი გუნდი კი 3000 ლარით დაჯილდოვდება.
„საქართველოს ბანკისთვის განათლების მხარდაჭერა ერთ-ერთი პრიორიტეტული მიმართულებაა. კორპორაციული სოციალური პასუხისმგებლობის ფარგლებში, სტუდენტებისა და მოსწავლეების განათლების ხელშემწყობ არაერთ პროექტს ვახორციელებთ, მათ შორის ვუფინანსებთ სწავლას, გავცემთ სტიპენდიებს, ვხსნით იდეათეკებს და სხვა, რითაც ახალგაზრდებს ახალ შესაძლებლობებს ვუქმნით. ერთ-ერთი მიმდინარე პროექტი – ჰარვარდის ბიზნეს სკოლის ქეისების კონკურსია, რომელიც განკუთვნილია ყველა იმ სტუდენტისთვის, ვისაც სურს გაიღრმაოს ცოდნა რეალურ ქეისებზე მუშაობით და დააგროვოს გამოცდილება ბიზნეს სფეროში. აღნიშნული პროექტი მიზნად ისახავს სტუდენტებისთვის ისეთი გარემოს შეთავაზებას, სადაც შეძლებენ გამოცადონ, თუ როგორია მენეჯერული პოზიციიდან მნიშვნელოვანი გადაწყვეტილებების მიღება. ინტერაქტიური ფორმატის კონკურსში მონაწილე ახალგაზრდები განივითარებენ ისეთ უნარ-ჩვევებს, როგორებიცაა ანალიტიკური აზროვნება, პრობლემის გადაჭრა, გუნდური მუშაობა, შემოქმედებითობა და სხვა. წარმატებებს ვუსურვებთ გუნდებს, ჩვენ კი არ ვჩერდებით და ვაგრძელებთ განათლების მიმართულებით საინტერესო პროექტების განხორციელებას და მხარდაჭერას“. – აცხადებენ საქართველოს ბანკში.
(R)