ევროპელები წლის ავტომობილს რამდენიმე ათეული ავტომობილისგან ირჩევენ. ევროპული პრემია „წლის საუკეთესო ავტომობილი“ ახალ სეზონს ხსნის და მთავარი პრიზის პრეტენდენტებს ასახელებს. თუკი გასულ წელს ექსპერტმა ჟიურიმ, რომელშიც 22 ქვეყნის წარმომადგენელი 59 ავტო ჟურნალისტი შედიოდა, საუკეთესოთა შორის საუკეთესო 28 მოდელისგან შეარჩია, წელს მონაწილეთა რიცხვი 41-მდეა გაზრდილი.
სიაში მოხვდნენ მოდელები, რომლებიც ევროპულ ბაზარზე წელს გამოვიდნენ.
გრძელ სიაში ევროპულ ბრენდებს შორის არიან – Alfa Romeo Junior, Audi Q6 e-tron, BMW X2/iX, Citroen C3/е-C3 და C3 Aircross, Cupra Tavascan და Terramar, Dacia Duster, Fiat Grande Panda, Maserati GranTurismo და Grecale, MINI Cooper SE და Countryman, Opel Grandland, Frontera და Porsche Macan. ასევე კანდიდატთა შორის არიან ერთდროულად სამი Renault – Renault 5, Symbioz და Rafale, გარდა ამისა Skoda Superb და Kodiaq, Volkswagen Passat და Tiguan, ასევე Volvo EX90.