ორჰუსში, დანიაში ბუნება დაახლოებით 300 ათასი ერთჯერადი ჭიქისგან გადაარჩინეს და ასეთი შედეგის მიღწევა მრავალჯერადი გამოყენების სისტემის დამსახურებით შეძლეს. სიახლის შესახებ forbes წერს.
წლის დასაწყისში ქალაქის 53-მა დაწესებულებამ მომხმარებლებისთვის მრავალჯერადი გამოყენების ჭიქების შეთავაზება დაიწყო. მყიდველმა დეპოზიტი უნდა შეიტანოს, შემდეგ კი ჭიქა ქალაქის მთელ ტერიტორიაზე განთავსებული 27 აპარატიდან ერთ-ერთში უნდა დააბრუნოს. ამის შემდეგ გასუფთავებულ ჭიქებს ისევ დაწესებულებებში წაიღებენ.
მთელი წლის განმავლობაში ორჰუსში 300 ათასი ასეთი ჭიქა გაიყიდა და ამ რაოდენობის ნაგვისთვის 3000 ნაგვის ურნა იქნებოდა საჭირო.
მსგავსი ინიციატივა – პლასტმასასთან ბრძოლის ევროპული სტრატეგიის ნაწილია. 2030 წლისთვის ევროკავშირში პლასტმასის ყველანაირი შეფუთვა ან გადამუშავდება ან მრავალჯერადად იქნება გამოყენებული.