დღე: აგვისტო 20, 2024

18 აგვისტოს, ჩოხატაურში მომხდარი ავტოსაგზაო შემთხვევის შედეგად გარდაცვლილი ახალგაზრდა მამაკაცი თორნიკე კურცხალიძეა.

ჩოხატაურში ავარიას მოტოციკლის მძღოლი ემსხვერპლა

არსებული ინფორმაციით, თორნიკე კურცხალიძე მოტოციკლით გადაადგილების დროს ელექტრობოძს შეეჯახა.

გარდაცვლილ ახალგაზრდას მეგობრები ემშვიდობებიან და მას სოციალურ ქსელში ემოციურ სტატუსებს უძღვნიან:

„მხოლოდ მოგონებები თოკა? მხოლოდ მოგონებები ძმაო? ვერ ვიჯერებ, თოკა, ვერა, გესმის? ვერასდროს დავიჯერებ იმას, რომ შენს ღიმილს ვეღარ დავინახავ, შენს ხმას ვეღარ გავიგებ. ნუთუ ამაზე დიდხანს არ უნდა გაგრძელებულიყო ჩვენი ურთიერთობა? მიყვარხარ სიცოცხლით გაუმაძღარო, ჩემს გულში ყოველთვის ცოცხალი იქნები“.

„ჩვენ რა ვქნათ უშენოდ, ჩვენ ხომ ერთად ბევრი გეგმები გვქონდა, ბევრი ბედნიერი დღეები გველოდა წინ. გაგვამწარე ყველა, უშენოდ როგორ გავაგრძელოთ ცხოვრება“.

„რატომ ასე ადრე თოკა, რატომ! ჩემო ძმობილო, არასდროს დამავიწყდება შენი მოღიმარი, ლამაზი სახე, ყოველთვის მემახსოვრები“.

„შენს სუფთა გულს ვენაცვალე ძმაო. მთელი ბათუმის სიამაყე და ყველას მეგობარი იყავი, ვინც კი გიცნობდა ძმაო. „მეგობრის სიკვდილი საკუთარი სულის ნაწილის სიკვდილს ჰგავს“, მშვიდობით“…