5 სექტემბრის მდგომარეობით, რთველი 2024-ის ფარგლები, გადამუშავებულია 25 ათას ტონამდე ყურძენი, აქედან, 12 ათას ტონამდე რქაწითელი, 7.5 ათას ტონამდე საფერავი, ხოლო დანარჩენი სხვადასხვა ჯიშის ყურძენია.
უახლოეს დღეებში ყურძნის მოსავლის დაბინავება გურჯაანში, ყვარელსა და თელავში დაიწყება.
დღეისთვის რთველის საკოორდინაციო შტაბში უკვე რეგისტრირებულია ღვინის 300 საწარმო, რომლებიც ყურძნის გადამუშავების პროცესში ეტაპობრივად ჩაერთვებიან.
ქალაქ თელავში რთველის საკოორდინაციო შტაბი და გარემოს დაცვისა და სოფლის მეურნეობის სამინისტროს ცხელი ხაზი (1501) 24 საათიანი რეჟიმში მუშაობს.