საგარეჯოში, 38 წლის გიორგი ფეიქრიშვილის განზრახ მკვლელობის ბრალდებით დაკავებულ 41 წლის გიორგი ქურდოვანიძეს საქართველოს პროკურატურამ ბრალდება წარუდგინა. ამის შესახებ ინფორმაციას პროკურატურა ავრცელებს.
უწყების ინფორმაციითვე, დანაშაული 10-იდან 15- წლამდე თავისუფლების აღკვეთას ითვალისწინებს.
„შინაგან საქმეთა სამინისტროს მიერ ჩატარებული გამოძიებით დადგინდა, რომ 7 თებერვალს, საგარეჯოს მუნიციპალიტეტის ერთ-ერთ სოფელში, ბრალდებულმა შურისძიების მოტივით, ცეცხლსასროლი იარაღიდან გასროლით მოკლა ერთი პირი“, – ნათქვამია ინფორმაციაში.
ცნობისთვის, საგარეჯოში, სოფელ ანთოკში მკვლელობა 7 თებერვალს მოხდა.
ფაქტზე გამოძიება საქართველოს სისხლის სამართლის კოდექსის 108-ე განზრახ მკვლელობის და 236-ე მუხლის მე-3 ნაწილით (საბრძოლო მასალის მართლსაწინააღმდეგო შეძენა, შენახვა) მიმდინარეობს. დანაშაული 10-დან 15 წლამდე ვადით თავისუფლების აღკვეთას ითვალისწინებს.