მადრიდში კვლავ ამოქმედდა ეკოლოგიური ტრანსპორტის შეძენისთვის განკუთვნილი სუბსიდირების პროგრამა. ქალაქის მცხოვრებლებს საშუალება აქვთ, მიიღონ ანაზღაურება ელექტრო ველოსიპედის შეძენისთვის – მაქსიმუმ 400 ევროს ოდენობით ან ტრანსპორტის ღირებულების 50%. სიახლის შესახებ LA moncloa წერს.
ძირითადი მოთხოვნები მარტივია: ველოსიპედი უნდა იყოს ახალი, აღჭურვილი ელექტროძრავით, რომლის სიმძლავრე არ აღემატება 250 ვატს და მას უნდა შეეძლოს არაუმეტეს 25 კმ/სთ სიჩქარის განვითარება. ასევე, ველოსიპედს უნდა ჰქონდეს ფარები და ფეხის დასაყრდენი.
გარდა ელექტრო ველოსიპედებისა, სუბსიდია ვრცელდება სხვა სახის ელექტრო ტრანსპორტზეც – ელექტრო სქროლებზე, მოტოციკლებზე და კვადროციკლებზე. ამ შემთხვევაში ანაზღაურების ოდენობა მაქსიმუმ 50% იქნება, თუმცა არაუმეტეს 600–დან 2000 ევრომდე.
დამატებითი პრემია – 200 ევროა გათვალისწინებული იმ შემთხვევაში, თუ მოქალაქე ძველ ავტომობილს გადაამუშავებს (ჩააბარებს გადამუშავებაზე).
აღსანიშნავია, რომ მსგავსი პროგრამები მადრიდში თითქმის ყოველ წლიურად ხორციელდება. წელს სუბსიდია 2025 წლის სექტემბრის ბოლომდე იმოქმედებს.
