იანვარ-ივნისში საქართველოში 10 006 ქორწინება და 6 095 განქორწინება დარეგისტრირდა. როგორც „საქსტატის“ მიერ გამოქვეყნებული წინასწარი დემოგრაფიული მონაცემებიდან ირკვევა, ქორწინებების ყველაზე დიდი რაოდენობა თბილისში აღირიცხა.
ქორწინებების რაოდენობა რეგიონების მიხედვით:
- თბილისი – 2 993
- იმერეთი – 1 466
- ქვემო ქართლი -1 302
- აჭარის ავტონომიური რესპუბლიკა – 1 144
რაც შეეხება განქორწინებებს, ყველაზე მეტი შემთხვევა ასევე თბილისში დაფიქსირდა და 2 130 შეადგინა. იმერეთში 968, ქვემო ქართლში 674, სამეგრელო-ზემო სვანეთში კი 554 განქორწინება აღირიცხა.
