,,ამერიკული მუსიკის დაჯილდოების” ნომინანტთა სია ცნობილია.
წლევანდელი დაჯილდოების ტოპ ნომინანტად, ტეილორ სვიფტი დასახელდა. მას 8, მათ შორის ,,წლის არტისტის” ნომინაცია მიენიჭა, რომელშიც მისი კონკურენტები: ბედ ბანი, ბრუნო მარსი, BTS, ჰარი სტაილზი, ჯასტინ ბიბერი, კენდრიკ ლამარი, ლედი გაგა, მორგან უოლენი და საბრინა კარპენტერი არიან.
საინტერესო ფაქტია, რომ შარშანდელ დაჯილდოებაზე სვიფტის უპრეცედენტო მარცხი ვიხილეთ – ბოლო 18 წლის განმავლობაში ის გამარჯვებულთა შორის არ მოხვდა.
ტეილორ სვიფტის უპრეცედენტო მარცხი ,,ამერიკული მუსიკის დაჯილდოებაზე”
სვიფტს 7-7 ნომინაციით მორგან უოლენი, საბრინა კარპენტერი, ოლივია დინი და sombr მოჰყვებიან.
ლედი გაგა და ალექს უორენი 6-6 ნომინაციაში არიან წარდგენილი.
აღსანიშნავია, რომ წლევანდელ დაჯილდოებაზე კატეგორიების რაოდენობა მნიშვნელოვნად გაიზარდა და საერთო ჯამში, 50 შეადგინა.
ამ ეტაპზე, სპეციალური პრემიების რეციპიენტთა ვინაობა უცნობია.
შეგახსენებთ, რომ 52-ე American Music Awards, რომელსაც ქუინ ლატიფა გაუძღვება 25 მაისს, ლას-ვეგასში გაიმართება.