ვერაზე, ხორავას ქუჩაზე მოკლული ნიკოლოზ ღუნაშვილი დღეს 18 წლის გახდებოდა.
ამის შესახებ სოციალურ ქსელში ნიკოლოზის დედა, თათია ჩირგაძე წერს და შვილის კადრებს გვიზიარებს:
„პირველი დაბადების დღე უშენოდ დე, ამ ღიმილის გამო დე??!! 18 წელი, გილოცავ ჩემო სიამაყე …“ – წერს თათია ჩირგაძე.
ცნობისთვის, 22 ივლისს, ვერაზე, შანიძის 31-ში, გვიან ღამით, ნიკა კაპანაძის კუთვნილი ცეცხლსასროლი იარაღიდან გასროლის შედეგად 4 ადამიანი, მათ შორის, 2 არასრულწლოვანი დაიჭრა, ერთი მათგანი – 17 წლის ნიკოლოზ ღუნაშვილი კლინიკაში გარდაიცვალა. მომხდარზე სამართალდამცავებმა 42 წლის ნიკა კაპანაძე მის კუთვნილ სასტუმროში დააკავეს.