აშშ-ის პრეზიდენტ ჯო ბაიდენს კორონავირუსი დაუდასტურდა.
ამის შესახებ თეთრი სახლის პრესმდივანმა, კარინ ჟან-პიერმა განაცხადა.
მისივე თქმით, ბაიდენს ანტივირუსული პრეპარატი „პაქსლოვიდით“ მკურნალობენ.
„დღეს დილით პრეზიდენტ ბაიდენს კოვიდ-19 დაუდასტურდა. პრეზიდენტი სრულად არის ვაქცინირებული და გაკეთებული აქვს ორი ბუსტერი, მას ძალიან სუსტი სიმპტომები აქვს და დაიწყო „პაქსლოვიდის“ მიღება. რეკომენდაციების შესაბამისად, ის თეთრ სახლში იზოლაციაში გადავა და დისტანციურად იმუშავებს“, – აცხადებს კარინ ჟან-პიერი.
