Volvo სტუდენტებს ავტომობილებით დაეხმარება. კომპანიის წარმომადგენლებმა საინტერესო პროექტი „Internation Student Program” დააანონსეს და ის იმ უცხოელ სტუდენტებზეა გათვლილი, რომლებიც ამერიკის შეერთებულ შტატებში სწავლობენ.
სტუდენტებს საშუალება ექნებათ Volvo-ს უახლესი ავტომობილები საკმაოდ ხელსაყრელი იჯარით აიღონ. ამისთვის მათ მხოლოდ მართვის მოწმობა, სტუდენტური ვიზა, სასწავლო დაწესებულებიდან შესაბამისი დოკუმენტი და პასპორტი დასჭირდებათ. იმისათვის, რომ კუთვნილი ავტომობილი მიიღონ, ახალგაზრდებმა უახლეს ავტოსალონს უნდა მიაკითხონ და რამდენიმე მოდელიდან სასურველი შეარჩიონ.
