შობის დღესასწაულთან დაკავშირებით, დედაქალაქში ალილოს ტრადიციული მსვლელობა გაიმართა.
თბილისში მომლოცველთა და მგალობელთა გუნდის მსვლელობა პირველი რესპუბლიკის მოედნიდან დაიწყო, რის შემდეგაც ალილოს მონაწილეები პარლამენტსა და თბილისის საკრებულოსკენ გაემართნენ, სადაც მათ საშობაო ნობათი გადაეცათ. მსვლელობა სამების საკათედრო ტაძარში ქრისტეშობის სამადლობელი პარაკლისით დასრულდა.
ალილოს მსვლელობისას მიღებული შემოწირულობა ბავშვთა სახლებში, სასჯელაღსრულების დაწესებულებებსა და მოხუცთა თავშესაფრებში გადანაწილდება.
