ქარდი ბი პირველი ქალი რეპერია ისტორიაში, რომლის ოთხმა სინგლმა ამერიკის ხმისჩამწერი კომპანიების ასოციაციის ბრილიანტის სერტიფიკატი მოიპოვა. ეს ისტორიული რეკორდი მას 2020 წლის სიმღერამ – WAP მოუტანა, რომელიც Megan Thee Stallion-თან კოლაბორაციია.
ამ მიღწევით ქარდი ბიმ კიდევ უფრო გაიმყარა პოზიცია, როგორც მუსიკალურ ინდუსტრიაში ერთ-ერთმა ყველაზე წარმატებულმა ქალმა რეპერმა.
ცნობისთვის, ქარდი ბიმ პირველი ბრილიანტის სერტიფიკატი Maroon 5-თან დუეტით – Girls Like You მიიღო. შემდეგი იყო I Like It, თანამშრომლობა Bad Bunny-სთან და J Balvin-თან და სოლო ჰიტი – Bodak Yellow.
ბრილიანტის სტატუსი მუსიკალურ ინდუსტრიაში ამერიკის ხმისჩამწერი კომპანიების ასოციაციის მიერ დაწესებული უმაღლესი პრივილეგიაა, რომელიც სინგლსა თუ ალბომს აშშ-ში 10 მილიონი ეგზემპლარის გაყიდვის შედეგად ენიჭება.
ბოლო მონაცემებით, ბრილიანტის სტატუსი მუსიკის ისტორიაში 200-მდე ჩანაწერს აქვს.