Post Malone, რობი უილიამსი, ნიკოლ შერზინგერი და ლაურა პაუზინი ფეხბურთის მსოფლიო ჩემპიონატის დახურვის ცერემონიაზე იმღერებენ.
გრანდიოზული შოუ კვირას, 19 ივლისს, ნიუ-ჯერსიში, MetLife Stadium-ზე, ფინალური მატჩის დაწყებამდე 90 წუთით ადრე შედგება. ღონისძიება მიზნად ისახავს უპრეცედენტო, 48-გუნდიანი ჩემპიონატის 39-დღიანი მოგზაურობის აღნიშვნას, რომელიც კანადაში, მექსიკასა და შეერთებულ შტატებში გაიმართა.
სანახაობას ასევე შეუერთდებიან – მსახიობი, ტომ კრუზი და სტრიმერი, IShowSpeed.
ცნობილი გახდა, რომ წარმოდგენაში მონაწილეობას ჯენიფერ ჰადსონიც მიიღებს, რომელიც აშშ-ს ჰიმნს შეასრულებს.
გარდა ამისა, ტურნირის ისტორიაში პირველად, მუნდიალის დასკვნითი შეხვედრის შესვენებაზე შედგება 11-წუთიანი მუსიკალური შოუ, რომლის ჰედლაინერები: მადონა, შაკირა, ჯასტინ ბიბერი და BTS იქნებიან. მათთან ერთად ტაიმ-აუტზე გამოვლენ Burna Boy, ვენესუელელი დირიჟორი და მევიოლინე, გუსტავო დუდამელი და ბავშვთა გუნდი – PS22 Coldplay-ისთან ერთად.