1-ელ აპრილს, ლოს-ანჯელესში, SoFi სტადიონზე, კანიე უესტმა (Ye) ახალი ალბომის – Bully საპრეზენტაციო კონცერტი გამართა. ეს იყო მისი პირველი მასშტაბური გამოსვლა აშშ-ში 2021 წლის შემდეგ.
რეპერი სტადიონის ცენტრში განთავსებულ მასიურ, ნახევარსფეროსებრ კონსტრუქციაზე წარდგა, რომელიც დედამიწის მოდელს წარმოადგენდა.
ჰიპ ჰოპ არტისტმა ღონისძიებაზე ახალი სოლო პროექტის სიმღერები, მათ შორის – Father და King, ასევე კლასიკური ჰიტები შეასრულა.
სცენაზე სპეციალური სტუმრების სტატუსით უესტის ქალიშვილი – ნორსი, ტრევის სკოტი და სხვები გამოჩნდნენ.
აღსანიშნავია, რომ კანიემ გამოსვლა განათების ხარვეზების გამო რამდენჯერმე შეაჩერა, რასაც ,,ქორნი” უწოდა და ტექნიკურ პერსონალს შენიშვნა მისცა.
შეგახსენებთ, რომ კანიე უესტმა მეთორმეტე სტუდიური ალბომი – Bully, 28 მარტს გამოუშვა.