საქართველოში კორონავირუსის 549 ახალი შემთხვევა დადასტურდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ამ დროისათვის ქვეყანაში ინფიცირებულთა რაოდენობა 9 245-მდე გაიზარდა.
ბოლო მონაცემებით 268 პაციენტი გამოჯანმრთელდა და მათი საერთო რაოდენობა 4887-ს შეადგენს.
კორონავირუსის შედეგად ქვეყანაში კიდევ ოთხი ადამიანი გარდაიცვალა. გარდაცვლილთა რაოდენობა ჯამში 58-ს შეადგენს.
ამავე გვერდის მიხედვით, კარანტინის რეჟიმში იმყოფება 5 392 მოქალაქე, ხოლო სტაციონარში მეთვალყურეობას 836 ადამიანი გადის.
ამასთან, „კოვიდ“ სასტუმროში მყოფი პირების რაოდენობა 1 100-ს შეადგენს.