ხელვაჩაურში, ზედა სარფი-კალენდერეს მიმართულებით 2 კმ-იანი მონაკვეთის სარეაბილიტაციო სამუშაოები დასრულდა. აჭარის მთავრობის ინფორმაციით, ახალი გზა სოფლებს, ტურისტულ ობიექტებს, საოჯახო და მაღალი კლასის სასტუმროებს, ცენტრალურ გზასთან აკავშირებს.
პროექტის მიხედვით, მოეწყო საყრდენი კედლები, სანიაღვრე არხები, მილები, ზღუდარები და არმირებული ცემენტბეტონის საფარი. პროექტის ღირებულება 1 600 000 ლარია.
