თბილისის სახელმწიფო სამედიცინო უნივერსიტეტის ონკოლოგიის დეპარტამენტის პროფესორი, რემა ღვამიჩავა გარდაიცვალა.
აღნიშნულის შესახებ ინფორმაციას სოციალურ ქსელში მისი შვილი, რუსკა ღვამიჩავა გვიზიარებს.
„გარდაიცვალა ჩემი ოქროს მამიკო რემა ღვამიჩავა.
პანაშვიდი: 2–3 აგვისტო
(მერაბ ალექსიძის 3, ნიკორას კორპუსი, სადარბაზო 1, სართული 14)
გასვენება: 4 აგვისტოს, სიონის საკათედრო ტაძრიდან“, – წერს რუსკა ღვამიჩავა.
აღსანიშნავია, რომ რემა ღვამიჩავამ 1985 წელს თბილისის სახელმწიფო სამედიცინო ინსტიტუტის სამკურნალო ფაკულტეტი დაამთავრა.
1985–1987წწ. იყო ონკოლოგიის ცენტრის კლინიკური–ორდინატორი; 1987–1989წწ. ონკოლოგიის სამეცნიერო ცენტრის ასპირანტი; 1989–1992წწ. ონკოლოგიური სამეცნიერო ცენტრის ორდინატორი; 1992 წლიდან ამავე ცენტრის უფროსი მეცნიერ–თანამშრომელი; 1994 წლიდან თბილისის სახელმწიფო სამედიცინო უნივერსიტეტის ონკოლოგიის კათედრის ასისტენტი. ავტორია 32 სამეცნიერო ნაშრომის. იყო ქირურგი-ონკოლოგი, მედიცინის მეცნიერებათა კანდიდატი; საქართველოს ეროვნული სკრინინგ ცენტრის ხელმძღვანელი.