თბილისის მერმა მთავრობის სხდომაზე საახალწლოდ დაგეგმილ ღონისძიებებზე ისუბრა. კახი კალაძემ ასევე აღნიშნა, რომ ახალი წლის ღამეს საზოგადოებრივი ტრანსპორტი უფასო იქნება და სამუშაო საათებიც გახანგრძლივდება. კალაძის განმარტებით, 7 იანვარს, შობის ღამეს ავტობუსები იგივე რეჟიმით იმუშავებენ.
“ახალი წლის ღამეს საზოგადოებრივი ტრანსპორტი მგზავრებს უფასოდ მოემსახურება 31 დეკემბრის 23:00 საათიდან 75 მარშრუტზე 160 ერთეული ავტობუსი საშუალოდ 25-30-წუთიანი შუალედებით იმოძრავებს. თბილისის მეტროპოლიტენის და რიყე-ნარიყალას საბაგიროს სამუშაო საათები იქნება გახანგრძლივებული და მგზავრებს უფასოდ გადაადგილების საშუალება ექნებათ. ამ რეჟიმში მეტროპოლიტენი და ავტობუსები იმუშავებენ 31 დეკემბრის 23:00 საათიდან პირველი იანვრის 4:00 საათის ჩათვლით“, – განაცხადა დედაქალაქის მერმა.