კოლიზეუმში გაიხსნა გასასვლელი, რომელიც საზოგადოებისთვის თითქმის 2000 წლის განმავლობაში დამალული იყო. ამის შესახებ BBC წერს.
დღეიდან თითოეულ ვიზიტორს შეეძლება გაიაროს იმავე გზით, რომელსაც რომის იმპერატორები იყენებდნენ – საუბარია ფარულ დერეფანზე, რომლითაც ისინი პირდაპირ ტრიბუნებზე ხვდებოდნენ.
როგორც კოლიზეუმის არქეოლოგიური პარკი იტყობინება, ე.წ. „კომოდას გასასვლელი“ უნიკალური კორიდორია, რომელიც ამფითეატრის ფუნდამენტშია გამოჭრილი ჩვენი წელთაღრიცხვის I და II საუკუნეების მიჯნაზე.
ის იმპერატორებისთვის იყო შექმნილი და მათ საშუალებას აძლევდა თავიანთ ადგილებზე მოხვედრილიყვნენ, მრავალათასიანი ბრბოსთვის გვერდის ავლით.
„საზოგადოებას პირველად ეძლევა შესაძლებლობა იგრძნოს, თუ რა გრძნობაა იყო იმპერატორი – ეს არის დროში მოგზაურობა, რომელიც აღქმას სრულიად ცვლის,“ – განაცხადა არქეოლოგმა ბარბარა ნაცარომ, რომელიც რესტავრაციას ხელმძღვანელობდა.
რესტავრაციის დროს ექსპერტები სერიოზულ სირთულეს წააწყდნენ – მაღალ ტენიანობას, რომელმაც საუკუნეების განმავლობაში დერეფნის თავდაპირველი იერი დააზიანა.
დასაწყისში კედლები მარმარილოთი იყო მოპირკეთებული, თუმცა მოგვიანებით ისინი პეიზაჟების ფრესკებით გააფორმეს.
