"კეთილი ინებონ, აქ დაადგინონ წესები, რომლის ფარგლებშიც გარემოვაჭრეებს შიმშილისთვის კი არ გაწირავენ, არამედ ნორმალური წესების ფარგლებში, საშუალებას მისცემენ, ოჯახები არჩინონ" - აცხადებს ჩხარტიშვილი.
გორში, გარემოვაჭრეები საქმიანობის გაგრძელებას ცდილობენ, თუმცა ადგილზე პოლიციაა მობილიზებული, რომელიც მოვაჭრეებს საქმიანობის საშუალებას არ აძლევს.
"მეორადები დამაქვს, რომ 1 ლარი და 50 თეთრი დამრჩეს, აგვყარეს და ზემოთ ბაზრობაზე, თავიანთი ბაზარი რომ არის, უნდათ რომ ხალხი იქ შეიყვანონ, რომ თვითონ დაძღნენ... იქ ვინ მოვა, მამაჩემი თუ დედაჩემი? მე აქ უნდა ვიდგე" - აცხადებს გარემოვაჭრე.
შიდამოვაჭრეები მერიას აძლევენ 48 საათს, რათა გარევაჭრობა აიკრძალოს, წინააღმდეგ შემთხვევაში კი ბაზრობის თანამშრომლები ამბობენ, რომ გზას გადაკეტავენ.
კალაძის თქმით, ამჯერად მეტროსადგურ „ვარკეთილის“ მიმდებარე ტერიტორიის მოწესრიგება მიმდინარეობს და გარე მოვაჭრეები გადაყვანილი არიან ბაზრობის შიდა ტერიტორიაზე.
