ინფორმაციას საქართველოს თავდაცვის სამინისტრო ავრცელებს.
„ჯარის ბანაკის“ ახალი ნაკადი ერთი კვირის მანძილზე პირველად სამედიცინო დახმარებას, თვითგადარჩენას, საცეცხლე მომზადებას, ტოპოგრაფიას, სამხედრო ნავიგაციასა და სხვა დისციპლინებს შეისწავლის.
თავდაცვის მინისტრმა სიტყვით გამოსვლისას საქართველოს მთავრობისა და საპატრიარქოს წარმომადგენლებს ჯარის ბანაკის მხარდაჭერისთვის მადლობა გადაუხადა და ხაზი გაუსვა პროექტის მნიშვნელობას.
„35 წლის განმავლობაში, ქართულ ჯარს გადახდა სამი ომი. ეს იყო უთანასწორო ომები, თუმცა სამივე ჯერზე ქართულმა ჯარმა და ქართველმა ჯარისკაცმა აჩვენა გმირობის უმაღლესი მაგალითი“ - თქვა ირაკლი კობახიძემ კოჯორში, ჯარის ბანაკის გახსნაზე.
„ჯარის ბანაკი“ ზაფხულში კოჯორში, გიორგი ანწუხელიძის სახელობის სერჟანტთა აკადემიაში მოეწყობა და მასში ჩართვა მე-9, მე-10 და მე-11 კლასების მოსწავლეებს შეეძლებათ.
