"იმედი მაქვს, შევძლებთ დავაჩქაროთ მუშაობა ღრმაწყლოვან ელექტროკაბელთან დაკავშირებით და ასევე იმედი მაქვს, რომ მომავალში გამოჩნდება კიდევ ახალი იდეები".
როგორც ევროკომისარმა ოლივერ ვარჰეიმ აღნიშნა, მისი დელეგაცია ჩამოვიდა ძალიან მკაფიო მიზნით: დაეხმაროს საქართველოს ევროკავშირში გაწევრიანებაში.
"პროგრესი არსებობს საქართველოში, წინსვლა შეიმჩნევა ეკონომიკაში".
პაპუაშვილის თქმით, ევროკომისარის ვიზიტის ფარგლებში საუბარი შეეხება იმას, რას აკეთებს პარლამენტი რეკომენდაციების შესასრულებლად.
ვიზიტის ფარგლებში დაგეგმილია პრემიერ-მინისტრ ირაკლი ღარიბაშვილის და ევროკომისრის შეხვედრა პირისპირ და გაფართოებულ ფორმატებში.
