ყველა თანამშრომელს, ვისაც მსგავსი რამ თავში გაუვლია, მოგყვებით ბოლომდე – ირაკლი ხმალაძე
ყველა თანამშრომელმა, ვინც კი მუნიციპალიტეტში მუშაობს და მსგავსი რამ თავში გაუვლია - მოგყვებით ბოლომდე და აუცილებლად დაადგებით იგივე გზას, როგორსაც ადგანან კორუფციაში ჩართული ადამიანები, - ამის შესახებ თბილისის ვიცე-მერმა, ირაკლი ხმალაძემ განაცხადა. ხმალაძე გამოეხმაურა ვაკის რაიონის გამგებლის მოადგილის დაკავებას. მან გამოძიების და საქმის დეტალებზე საუბრისგან თავი შეიკავა, თუმცა მუნიციპალიტეტის ყველა წარმომადგენელს ყურადღებით და ფრთხილად ყოფნისკენ მოუწოდა.
